Projekti i dhurimit të mjeteve bujqësore, i realizuar në bashkëpunim me Komunën e Shtimes gjatë vitit 2024, ka qenë një hap i rëndësishëm në mbështetjen e familjeve me vështirësi ekonomike. Me një buxhet prej 70,000€, ku komuna kontribuoi me 7,000€, ky projekt bëri të mundur shpërndarjen e 13 kopesh delesh, 15 koteceve me pula, 13 kultivatorëve, 13 serave bujqësore dhe 14 koshereve me bletë.

Përfituesit ishin familje nga fshatra të ndryshme të Komunës së Shtimes dhe u përzgjodhën nga një komision i përbashkët i formuar nga Komuna e Shtimes dhe Fondacioni Amaneti, duke siguruar që ndihma të arrinte tek ata që kishin më shumë nevojë. Ky projekt ka ndikuar drejtpërdrejt në përmirësimin e kushteve të jetesës së familjeve përfituese, duke u ofruar atyre burime të qëndrueshme për vetëpunësim dhe të ardhura shtesë. Përmes kësaj mbështetjeje, është rritur kapaciteti prodhues, është përmirësuar kultivimi i tokës dhe janë krijuar mundësi të reja për zhvillimin e produkteve blegtore. Ky investim ka sjellë një ndryshim të prekshëm në jetën e familjeve përfituese, duke forcuar ekonominë lokale dhe duke nxitur vetëqëndrueshmërinë.